Derman arardım derdime derdim bana derman imiş
Burhan arardım aslıma aslım bana burhan imiş
****
Sağı solu gözler idim dost yüzünü görsem deyu
Ben taşrada arar idim ol can içinde can imiş
****
Öyle sanırdım ayrıyım, dost gayridir ben gayrıyım
Benden görüp işiteni bildim ki ol canan imiş
****
Savm u salat u hacc ile sanma biter zahid işin
İnsan-ı Kamil olmağa lazım olan irfan imiş